يروحي شلون فكدت روح ويروح
نـاوي يـشيـل عـني الـيـوم ويروح
شــــال وخــلـه بيه هـمـوم ويروح
وانــه فـــراش الـمـرض غـيـم عـلـيـه
ــــــــــــــــــــــــــــــــــــــــــ
عليله وبيه شهكت موت يماه
تمنيت انه اموت اليوم يماه
اهــــات الكلب جــــم اه يم اه
جــراحــات الـزمـن جــارن عليه
ـــــــــــــــــــــــــــــــــــــــــــــــــــــ
غميجه جروحنه وبنوح مرات
وسهام المرض عالروح مرات
مــــره اشتاكلك يحسين مرات
اشــد جرح بجرح غصبن عليه
ـــــــــــــــــــــــــــــــــــــــــــــــ
الشاعرالحسيني ابوفزع الحلفي
